زاهى حواس عالم الاثار

زاهى حواس
من ويكيبيديا، الموسوعه الحره
نُط على: استكشاف, تدوير

زاهي حواس.زاهي حواس اتولد في قرية العبيديه جنب دمياط فى في شمال مصر فى 28 مايو 1947 . بيعتبر أشهر الاثريين المصريين المعاصرين و بيحظى بتقدير عالمي في مجال علم الاجيبتولوجي ( المصرولوجيا ). زاهي حواس ماسك دلوقتي منصب رئيس المجلس المصري الأعلى للأثار.

المحتويات
حياته
زاهي حواس في بداية حياته كان ناوي يبقى محامي بس بعدين غير رأيه و درس فى قسم الاثار الرومانيه - اليونانيه في كلية الأداب - جامعة اسكندرية - ، و بعد ما اخد البكالوريوس فى الأثار الرومانيه-اليونانيه ، عمل ديبلوما في الاثار من جامعة القاهرة ، و خد منحه تعليميه فى أمريكا فكمل كمل تعليمه العالى هناك ، وخد شهادة الدكتوراه من جامعة بنسيلفانيا سنة 1987 ، و من هناك بدأ يدرس و يحاضر في جامعات كاليفورنيا و الجامعه الامريكيه فى القاهره . فى سنة 2002 اتعين أمين عام للمجلس الأعلى للأثار فى مصر و لحد دلوقت هو فى المنصب ده.

الشهره
بدات شهرة زاهى حواس لما ظهر في قناة ديسكفرى في افلام تسجيليه عن مصر و المصريين القدام و كمان سجل حلقات عرضها التلفزيون الأمريكي في برنامج ( البحث عن الحقيقة)و اللي ناقش فيها مواضيع بتهم المشاهدين زى المومياوات و الاهرام و توت عنخ امون و كليوباترا و رمسيس التاني. اشتهر زاهى حواس ببرنيطة انديانا جونز اللى بيلبسها طول الوقت.

من اكتر المواضيع السخنة اللي دافع فيها عن تاريخ مصر هو موضوع مين اللي بنى اهرامات الجيزة و رد فيه بشكل علمى على اللي بيقولو ان اليهود هم اللي بنو الاهرامات و غيرهم اللي بيقولو ان سكان الفضاء هم اللي بنو الهرم او حتى سكان اتلانتس.

في سنة 1990 اكتشف زاهى حواس اهم اكشافاته الاثرية: المقابر بتاعة العمال المصريين اللي بنو الاهرام [1] في سنة 2007 اعلن الدكتور حواس عن اكتشاف مقبرة حتبشوت في وادي الملوك في الاقصر و اللي اتوصف بانه واحد من اهم الاكتشفات الاثرية في المية سنة اللي فاتوا. الدكتور زاهي ألف كتب كتيرة في مجال علم المصريات و العلم الاثار.

الجوايز
وسام العلوم و الفنون من الدرجة الاولى استلمه سنة 1998 من الرئيس حسنى مبارك
سنة 2006 اختارته مجلة التايم كواحد من اهم 100 شخصية مؤثرة في العالم
فبراير 2005 : الدكتوراه الفخرية من الجامعة الامريكية في الفاهرة
اسمه اتكتب على السي دي اللي اتبعت لكوكب المريخ في رحلة الاستكشاف سنة 2003.
النقد
الدكتور حواس بيتوجه له نقد كتير من بره مصر و من جواها.

في الغرب في علما بيتهموه باحتكار عمليات التدوير عن الاثار في مصر حيث إنه منع بعثات اجنبية كتيرة من الوصول للمواقع الاثرية بحجة انهم ( هواه ) اكتر من كونهم اكاديميين.
فيه ناس بتقول انه بينسب اكتشافات العلما المبتدئين لنفسه و بياخد هو كل الاهتمام و الشهره.
اصحاب نظرية ان الفراعنة كانو من الجنس الأسود(الزنوج) بيتهموه بانه عنصري و بيشوه تاريخ مصر لانه بينفي ان المصريين القدام كانو افارقه سودو بشكل عام الدكتور حواس بيتجاهل النتقدات دي و ما بيردش عيها غير بجملة انه بيعمل كل اللي ب يعمله دا علشان خاطر مصر و بس
الهوية المصرية
زاهى حواس كتب مقالة بعنوان ( توت عنخ أمون ما كنش أسود) و صرح فيها تصريح في غاية الاهمية دا نصه ( المصريين ما هماش عرب و كمان ما هماش افارقة على الرغم من وقوع مصر حغرافيا في قارة افريقيا )[2]. و بكدا بيكون لخص وجهة نظرة في موضوع هوية مصر.